कोरोना महामारी : नेपालमा एकै दिन ३५ जनाको मृत्यु, ४८३१ संक्रमित थपिए
प्रकाशित मिति : बैशाख १६, २०७८ बिहीबार
नेपालमा एकै दिन ३५ कोरोना संक्रमितको मृत्यु भएको छ। कोरोना महामारी सुरु भएयता एकै दिन यति धेरै संख्यामा मानिसहरुको मृत्यु भएको यो पहिलोपटक हो। योसँगै नेपालमा कोरोना संक्रमणका कारण मृत्यु भएकाहरुको संख्या ३ हजार ३ सय ४६ पुगेको हो।
यस्तै, पछिल्लो २४ घन्टामा थप ४ हजार ८ सय ३१ जनामा संक्रमण पुष्टि भएको छ। नेपालमा हालसम्म संक्रमित हुनेको संख्यामा ३ लाख १७ हजार ५ सय ३० पुगिसकेको छ।
बिहीबार ८८८ जना निको भएका छन्। निको हुनेको संख्या हालसम्म २ लाख ८० हजार १ सय ६७ पुगेको मन्त्रालयले जनाएको छ।
बिहीबार सक्रिय संक्रमित ३४ हजार १ सय १७ छन्।
नेपालको पछिल्लो कोरोना रिपोर्टका लागि यो लिंकमा जानुहोला