नेपालमा थपिए ५७२७ कोरोना संक्रमित, ३३ को मृत्यु
प्रकाशित मिति : बैशाख १७, २०७८ शुक्रबार
नेपालमा पछिल्लो २४ घन्टामा ५७२७ जनामा संक्रमण पुष्टि भएको छ। स्वास्थ्य मन्त्रालयका अनुसार देशभरका विभिन्न प्रयोगशालामा १५ हजार ३ सय ९१ काे पिसिआर र ५ सय २५ जनाकाे एन्टिजेन विधिबाट परीक्षण गर्दा पाँच हजार ७ सय २७ जनामा संक्रमण पुष्टि भएको हो।
यो संख्या हालसम्मकै उच्च हो। योसँगै नेपालमा हालसम्म संक्रमित हुनेको संख्या तीन लाख २३ हजार १८७ पुगेको छ।
शुक्रबार सक्रिय संक्रमितको संख्या ३८ हजार ८ सय १३ पुगेको छ। शुक्रबार कोरोना संक्रमणबाट ३३ जनाको निधन भएको छ। योसँगै हालसम्म कोरोना संक्रमणबाट मृत्यु हुनेको संख्या ३ हजार २ सय ७९ पुगेको छ।
२४ घन्टामा ९२८ जना निको भई डिस्चार्ज भएका छन्। हालसम्म २ लाख ८१ हजार ९५ निको भइसकेका छन्।
देशभर ५५ जना व्यक्ति क्वारेन्टाइनमा रहेको स्वास्थ्य मन्त्रालयले जनाएको छ।