कोरोना महामारी : २४ घण्टामा २०३ जनाको मृत्यु, ८४६७ संक्रमित थपिए
प्रकाशित मिति : बैशाख ३१, २०७८ शुक्रबार
नेपालमा पछिल्लो २४ घन्टामा कोरोना संक्रमणबाट २०३ जनाको निधन भएको छ। योसँगै नेपालमा कोरोना संक्रमणबाट मृत्यु हुनेको संख्या ४६६९ पुगेको छ।
स्वास्थ्य तथा जनसंख्या मन्त्रालयका अनुसार २४ घण्टामा थप ८५२० जनामा संक्रमण पुष्टि भएको छ। २१४७८ नमुना परीक्षण गर्दा यतिसंख्यामा संक्रमण पुष्टि भएको हो। यससँगै सक्रिय संक्रमितको संख्या एक लाख ७ हजार ३३६ पुगेको छ।
नेपालमा कूल संक्रमितको संख्या ४ लाख ३९ हजार ६ सय ५८ पुगेको छ। हालसम्म ३ लाख २७ हजार ६ सय ५३ जना निको भइसकेका छन्। हाल १ लाख ७ हजार ३ सय ३६ जना आइसोलेसनमा छन् भने ५ सय १६ जना क्वारेन्टाइनमा छन्।