नेपालमा एकै दिन ९८४१ संक्रमणमुक्त, ६९५१ मा संक्रमण पुष्टि
प्रकाशित मिति : जेष्ठ १४, २०७८ शुक्रबार
नेपालमा संक्रमणमुक्त हुनेको संख्यामा वृद्धि भएको छ। पछिल्लो २४ घण्टामा ९ हजार ८४१ जना कोरोना भाइरस संक्रमणमुक्त भएका छन्। दोस्रो लहर सुरु भएयता एकैदिन यतिधेरै संक्रमणमुक्त भएको यो पहिलोपटक हो।
योसँगै नेपालमा संक्रमणमुक्त हुने संख्या ४ लाख २८ हजार ६ सय ७० पुगेको छ।
स्वास्थ्य तथा जनसंख्या मन्त्रालयका अनुसार नेपालमा दैनिक मृत्यु संख्या पनि घटेको छ। मन्त्रालयका अनुसार शुक्रबार ९६ जनाको मृत्यु भएको छ।
हालसम्म कोरोनाबाट ७ हजार ४७ जनाको निधन भएको छ।
शुक्रबार ६ हजार ९ सय ५१ जनामा संक्रमण पुष्टि भएको छ। योसँगै नेपालमा संक्रमित हुने कुल संख्या ५ लाख ४९ हजार १ सय ११ पुगेको छ।
शुक्रबारसम्म सक्रिय संक्रमितको संख्या १ लाख १३ हजार ३ सय ९४ रहेको छ।