कोरोना महामारी : २४७४ संक्रमित थपिए, २४ को मृत्यु
प्रकाशित मिति : असार १०, २०७८ बिहीबार
पछिल्लो २४ घण्टामा २४७४ जनामा कोरोना संक्रमण पुष्टि भएको छ। ७२३५ जनामा पिसिआर परीक्षण गर्दा १५७७ र ४९९७ जनामा एन्टिजेन विधिबाट परीक्षण गर्दा ८९७ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।
योसँगै नेपालका कोरोनाबाट संक्रमित हुनेको संख्या ६ लाख २९ हजार ४ सय ३१ पुगेको छ। जसमा सक्रिय संक्रमितको संख्या ४९ हजार ५ सय ५५ पुगेको छ।
यस्तै, बिहीबार २४ घण्टामा कोरोना संक्रमणबाट मृत्यु हुनेको संख्या २४ रहेको छ। योसँगै हालसम्म संक्रमणबाट ८९१८ जनाको मृत्यु भएको छ।
काठमाडौंमा २३४, भक्तपुरमा ३३ र ललितपुरमा ६८ गरी काठमाडौं उपत्यकामा ३३५ नयाँ संक्रमित थपिएका छन्।
नेपालमा हाल संक्रमण दर १९।१ प्रतिशत रहेको छ भने प्रति दशलाख जनसंख्यामा मृत्यु ३००।७ रहेको छ।