नेपालमा थपिए २४४४ संक्रमित, ४२ को मृत्यु
प्रकाशित मिति : असार १४, २०७८ सोमबार
नेपालमा पछिल्लो २४ घन्टामा २ हजार ४४४ जनामा संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार ६ हजार ६४८ पिसिआर र ४ हजार ९९२ एन्टिजेन नमुना परीक्षण गरिएकोमध्ये २ हजार ४४४ जनामा संक्रमण पुष्टि भएको हो।
योसँगै नेपालमा संक्रमितको संख्या ६ लाख ३५ हजार १८८ पुगेको छ।
यस्तै, देशभर सक्रिय संक्रमितको संख्या ३७ हजार ९५० रहेको छ। मन्त्रालयका अनुसार सोमबार ३ हजार ८५३ जना निको भएका छन्। योसँगै नेपालमा संक्रमणमुक्त हुनेको संख्या ५ लाख ८८ हजार १८७ पुगेको छ।
पछिल्लो विवरण अनुसार कोरोना संक्रमणबाट ४२ जनाको निधन भएको छ। नेपालमा हालसम्म ९ हजार ५१ जनाको कोरोनाका कारण मृत्यु भइसकेको छ।
काठमाडौं उपत्यकामा ५ सय १४ संक्रमित थपिएका छन्। जसमा काठमाडौंमा ३५५, ललितपुरमा ११२ तथा भक्तपुरमा ४७ जना रहेको मन्त्रालयले जनाएको छ।