कोरोनाबाट दुई महिनायताकै कम मृत्यु, २६३६ संक्रमित थपिए
प्रकाशित मिति : असार १५, २०७८ मंगलबार
नेपालमा कोरोना संक्रमणका कारण दुई महिनायताकै कम मृत्यु भएको छ। स्वास्थ्य तथा जनसंख्या मन्त्रालयका अनुसार पछिल्लो २४ घण्टामा २० जनाको मृत्यु भएको हो। योसँगै नेपालमा कोरोना संक्रमणका कारण मृत्यु हुनेको संख्या ९ हजार ७१ पुगेको छ।
यस्तै, २४ घण्टामा देशैभर २६३६ संक्रमित थपिएका छन्। ७२५९ जनामा पिसिआर विधिबाट कोरोना परीक्षण गर्दा १७२८ जनामा पोजिटिभ पुष्टि भएको छ भने ४४८९ जनामा एन्टिजेन परीक्षण गर्दा ९०८ जनामा पुष्टि भएको छ।
त्यस्तै देशैभर ४३४८ जना निको भएका छन्। निको हुने दर ९३ प्रतिशत पुगेको छ। २४ घण्टामा काठमाडौंमा ३०२ भक्तपुरमा ५६ र ललितपुरमा १०० जना गरि उपत्यकामा ४५८ नयाँ संक्रमित थपिएका छन्।