दैनिक कोरोना संक्रमण डेढ महिनायताकै उच्च, ३८९९ संक्रमित थपिए, २० को मृत्यु
प्रकाशित मिति : श्रावण १२, २०७८ मंगलबार
नेपालमा थप ३ हजार ८ सय ९९ जनामा कोरोना संक्रमण पुष्टि भएको छ। नेपालका विभिन्न प्रयोगशालामा १२ हजार ६ सय ५५ जनाको पिसिआर र ४ हजार ८ सय ६३ जनाको एन्टिजेन विधिबाट परीक्षण गर्दा उक्त संख्यामा संक्रमण पुष्टि भएको हो। यो डेढ महिना यताकै उच्च हो।
योसँगै नेपालमा कोरोना संक्रमितको संख्या ७ लाख ४२ हजार ८ सय १७ ( पिसिआर विधिबाट ६ लाख ८५ हजार ६ सय ७३ र एन्टिजेनबाट ५७ हजार १ सय ४४) पुगेको छ।
संक्रमितमध्ये काठमाडौंमा ४ सय ७५, ललितपुरमा १ सय ६७ र भक्तपुरमा १ सय ३२ छन्।
पछिल्लो २४ घण्टामा २० जनाको मृत्यु भएको छ। नेपालमा हालसम्म कोरोना संक्रमणबाट मृत्यु हुनेको संख्या ९ हजार ७ सय ५८ पुगेको छ।
यस्तै संक्रमणमुक्त हुनेको संख्या १ हजार ७ सय ७८ छ। नेपालमा हालसम्म ६ लाख ४७ हजार ७९ जना निको भएका छन् भने सक्रिय संक्रमितको संख्या २८ हजार ८ सय ३६ पुगेको छ।
हाल २८ हजार ८ सय ३६ जना आइसोलेसनमा छन् भने ३ सय ५६ जना क्वारेन्टाइनमा छन्।