मुगुमा बस दुर्घटना: २३ जनाको मृत्यु, १५ जना घाइते
प्रकाशित मिति : आश्विन २६, २०७८ मंगलबार
मुगुमा बस दुर्घटना हुँदा २३ जनाको मृत्यु भएको छ । मुगुको छायाँनाथ रारा नगरपालिका–७ मा यात्रुवाहक बस दुर्घटना हुँदा २३ जनाको मत्यु भएको छ भने १५ जना घाइते भएका छन्।
सुर्खेतबाट मुगुको सदरमुकाम गमगढीतर्फ गएको भे १ ख ३१६७ नम्बरको बस छायाँनाथ रारा नगरपालिका–७, पिना झ्यारीखोलामा दुर्घटना दुर्घटना भएको हो । ३९ जना यात्रु रहेको बस दिउँसो २ बजेतिर दुर्घटनामा परेको हो । बीच बीचमा बस रोकेर यात्रु चढाएको हुन सक्ने भएकाले यात्रु सङ्ख्या त्यो भन्दा बढी हुनसक्ने अनुमान गरिएको छ ।
उद्दारको लागि नेपाल आर्मी, नेपाल प्रहरी, सशस्त्र प्रहरी र स्थानीय वासिन्दा उद्वारका लागि घटनास्थलमा पुगेका छन् । बस सडकबाट झन्डै ३ मिटर तल खसेर दुर्घटना भएको छ, क्षतिको पूर्ण आधिकारिक विवरण आइसकेको छैन ।