सिंहदरबारभित्र गोली चल्यो, मानवीय क्षति भएको छैन : प्रहरी
प्रकाशित मिति : कार्तिक १०, २०७८ बुधबार
चेकजाँचको क्रममा आज मध्याह्नमा सिंहदरबारभित्र एक राउण्ड गोली फायर भएको छ ।
राष्ट्रियसभाका उपाध्यक्ष शशीकला दाहालको निजी सुरक्षा गार्ड प्रहरी सहायक निरीक्षक अनुपमा भारतीको साथमा रहेको पेस्तोलबाट एक राउण्ड गोली फायर भएको हो ।
संसद् सचिवालयको भवन नम्बर २ मा उक्त घटना भएको र त्यसबाट मानवीय क्षति नभएको जनाइएको छ ।
ड्युटी सकेर पेस्तोल चेकजाँच गर्ने क्रममा उक्त गोली फायर भएको प्रहरीले जनाएको छ ।
घटनाको अनुसन्धान जारी रहेको महानगरीय प्रहरी कार्यालय रानीपोखरीका प्रवक्ता प्रहरी उपरीक्षक सुशील सिंह राठौरले जानकारी दिनुभयो । रासस