अभिनेत्री करिश्मा कक्षा १२ उत्तिर्ण,दुई विषयमा आयो ‘ए प्लस’
प्रकाशित मिति : मंसिर १७, २०७८ शुक्रबार
नेपाली सिनेमा क्षेत्रकी चर्चित अभिनेत्री तथा निर्मात्री करिश्मा मानन्धरले कक्षा १२ उत्तिर्ण (पास) भएकी छन् । अभिनेत्री मानन्धरले २.४१ जीपीए ल्याएर उत्तिर्ण भएकी हुन् । उनले दुई विषयमा ए प्लस जीपीए ल्याएकी छन् ।
राष्ट्रिय परीक्षा बोर्डले गत भदौ–असोजमा सञ्चालन भएको परीक्षाको नतिजा शुक्रबार (आज) सार्वजनिक गरेको हो ।
अभिनेत्री मानन्धरले अब स्नातक पढ्ने योजना रहेको बताएकी छन् । उनले समाजशास्त्र वा ग्रामीण विकास मुल विषय लिएर पढ्ने योजना रहेको बताएकी छन् ।