त्रिभुवन अन्तर्राष्ट्रिय विमानस्थलबाट गोलीसहित एकजना पक्राउ
प्रकाशित मिति : चैत्र २८, २०७८ सोमबार
नेपाल प्रहरीले एक राउण्ड गोलीसहित त्रिभुवन अन्तर्राष्ट्रिय विमानस्थलबाट सोविता नेपाली पक्राउ परेकी छिन । त्रिभुवन अन्तर्राष्ट्रिय विमानस्थलबाट गोलीसहित तनहुँ भानु नगरपालिका–७ की २७ वर्षीया नेपाली पक्राउ परेकी हुन ।
प्रहरीको त्रिभुवन विमानस्थल सुरक्षा कार्यालयका अनुसार नेपालीलाई गए राति पक्राउ गरिएको हो । नेपाल एयरलाइन्सको उडानबाट जापानको नारिता जान लागेकी उनलाई जाँच गर्दा गोली बरामद गरिएको हो ।
उनी झोलामा गोली लिएर जापान जान लागेकी थिइन् । घटनाबारे अनुसन्धान भइरहेको प्रहरीले जनाएको छ ।