रुस ठूलो सामुद्रिक शक्ति बन्न चाहन्छ : पुटिन
प्रकाशित मिति : श्रावण १५, २०७९ आईतबार
पिटर्सबर्गमा रुसको नौसेना दिवसको अवसरमा राष्ट्रपति भ्लादिमिर पुटिनले रुस अमेरिकाको प्रभुत्वको सामना गर्ने ‘महान सामुद्रिक शक्ति’ बन्न चाहन्छ भने। उनले नाटोको विस्तार र समुद्रमा ‘अमेरिकी प्रभाव बढाउने प्रयास’ रुसका लागि ठूलो खतरा भएको बताए।
उनले रुसको स्वाधीनता र सार्वभौमसत्तामाथि आक्रमण गर्नेहरूको सामना गर्न आवाजको गतिमा आक्रमण गर्न सक्ने जिरकोन हाइपरसोनिक मिसाइललाई छिट्टै सेनामा समावेश गरिने बताए ।
उनले भने, “रूसको नयाँ समुद्री डाक्टरेट स्वीकृत भएको छ। हामीले हाम्रो सीमाना र राष्ट्रिय हितका क्षेत्रहरू आर्थिक र रणनीतिक रूपमा पहिचान गरेका छौं। सबैभन्दा पहिले आर्कटिक सागर, काला सागर, ओखोत्स्क, बेरिङ र बाल्टिक सागर र दक्षिणको खाडी। कुरिल हाम्रो हो र हामी हर हालतमा उनीहरूको सुरक्षाका लागि प्रतिबद्ध छौं। यहाँ हाम्रो नौसेनाको अत्यावश्यक शक्ति छ। यो हाम्रो स्वतन्त्रता र सार्वभौमसत्ता हनन गर्नेहरूलाई जवाफ दिन सक्षम छ।”