लिबियामा रक्तपातपूर्ण द्वन्द्व : २३ जनाको मृत्यु, शान्तिका लागि राष्ट्रसंघको अपिल
प्रकाशित मिति : भाद्र १२, २०७९ आईतबार
संयुक्त राष्ट्रसंघले लिबियाको राजधानी त्रिपोलीमा जारी घातक द्वन्द्व तत्काल अन्त्य गर्न आह्वान गरेको छ । त्रिपोलीमा शनिबार दुई राजनीतिक समूहबीच हिंसात्मक झडप भएको छ । झडपमा कम्तिमा २३ जनाको मृत्यु भएको र दर्जनौं घाइते भएको स्वास्थ्य मन्त्रालयले जनाएको छ । मारिनेमा युवा कमेडियन मुस्तफा बराका पनि भएको त्यहाँका अधिकारीहरुले बताएका छन् ।
सन् २०११ मा नेटो समर्थित विद्रोहपछि लिबियामा अराजकता मौलाएको छ । विद्रोहले लामो समय शासक कर्नेल मुअम्मर गद्दाफीलाई सत्ताबाट हटायो। त्यसपछि २०१९ सम्म देशमा अशान्ति जारी रह्यो । विगतको तुलनामा पछिल्ला दुई वर्ष शान्तिपूर्ण रहे पनि शनिबारको घटनाले देशमा फेरि हिंसा र अराजकताको वातावरण सिर्जना गरेको छ ।
विगतको तुलनामा पछिल्ला दुई वर्ष शान्तिपूर्ण रहे पनि शनिबारको घटनाले देशमा फेरि हिंसा र अराजकताको वातावरण सिर्जना गरेको छ । राजधानीका धेरै ठाउँमा बम विस्फोट भएको छ । आकस्मिक सेवाहरूले धेरै अस्पतालहरू प्रभावित भएको बताइएको छ। लडाईं वरपरका क्षेत्रहरूबाट पनि मानिसहरूलाई विस्थापित गरिएको छ।
संयुक्त राष्ट्र संघको लिबिया मिशनले लडाईको परिणामस्वरूप ;आवासीय क्षेत्रहरूमा अन्धाधुन्ध र भारी गोलाबारी’भएको बताएको छ, जस पछि तत्काल युद्धविराम आह्वान गरिएको छ। शनिबार देशको राष्ट्रसंघ समर्थक सरकारको सशस्त्र सेनाले आफ्ना प्रतिद्वन्द्वी फाती बाशाघाप्रति वफादार मिलिशियाको काफिलालाई रोक्न खोज्दा झडप सुरु भएको थियो।