कान्ताराको कमाईमा दिनप्रतिदिन नयाँ रेकर्ड, हालसम्म ७१ करोड भारु संकलन
प्रकाशित मिति : कार्तिक २६, २०७९ शनिबार
कन्नड फिल्म कान्ताराको बक्स अफिस कलेक्सन रोकिने नाम लिइरहेको छैन । फिल्मले दिनप्रतिदिन कमाईका नयाँ रेकर्ड कायम गरिरहेको छ । हिन्दीपट्टिमा फिल्म रिलिज भएको एक महिना पूरा हुन लागेको छ, तर फिल्मको क्रेज भने उत्तिकै छ ।
अक्टोबर १४ मा हिन्दी भाषी राज्यमा रिलिज भएको फिल्मले विगत २९ दिनदेखि राम्रो कमाइ गरिरहेको छ । विश्लेषकको ट्विटका आधारमा कान्ताराले पाँचौं शुक्रबार उत्कृष्ट प्रदर्शन गर्दै १.२५ करोड कमाएको छ ।
कान्ताराले पाँचौं शुक्रबार १.२५ करोड कमाएर हिन्दी बेल्टमा ७१ करोडको नेट बक्स अफिस कलेक्सन गरेको छ । जसरी बक्स अफिसमा कान्ताराको कमाई बढिरहेको बताइन्छ, अब यो फिल्म १०० करोड क्लबमा प्रवेश गर्छ कि गर्दैन त्यो चासोको विषय हुनेछ ।
ऋषभ शेट्टी द्वारा अभिनीत र निर्देशित कान्ताराको कथा कर्नाटकको तटीय गाउँमा बस्ने मूल निवासीहरूको लोककथामा आधारित छ, जुन एक राजाको परिवार, दैवा र गुलिकाको वरिपरि घुमेको छ। फिल्ममा ऋषभले कम्बाला च्याम्पियन शिवको भूमिका निभाएका छन् । केजीएफ जस्ता ठूला फिल्म बनाउने प्रोडक्सन हाउस होम्बल फिल्म्सको ब्यानरमा यो फिल्म निर्माण गरिएको हो ।