विश्वकपका लागि कतारको रूढीवादी नियम : काँध र घुँडा छोप्ने कपडा लगाउन आग्रह
प्रकाशित मिति : मंसिर १, २०७९ बिहीबार
कतारमा हुने फिफा विश्वकप २०२२ नजिकिंदै जाँदा विश्वभरका फुटबल फ्यानहरूको उत्साह बढ्दै गएको छ । लामो तयारी पछि फिफा नोभेम्बर २० मा कतारमा सुरु हुँदैछ । धेरै देशहरूबाट कतारमा फ्यानहरू पुग्छन्। जुन देशमा फुटबलका फ्यानहरू जम्मा हुन्छन्, त्यहाँ पार्टीको माहोल हुन्छ । तर रूढीवादी नियमहरू अन्तर्गत इस्लामिक देशको होस्टिंगमा यस पटक चीजहरू परिवर्तन हुन सक्छ। फ्यानहरूलाई कतारको कानुन र सांस्कृतिक रीतिरिवाजको ख्याल गर्न भनिएको छ।
कतारको चलन र कानूनमा रक्सी, लागूपदार्थ, सेक्स्युलिटी र ड्रेस कोड सम्बन्धी नियमहरू समावेश छन्। देशमा विशेष गरी कपडाको सन्दर्भमा धेरै रूढिवादी नियमहरू छन्। कतारले लगाएको धेरै प्रतिबन्धका कारण पर्यटकहरूले आफूले कस्तो पहिरन लगाउने भन्ने कुरामा सजग हुनुपर्छ। डेलीस्टारको रिपोर्टका अनुसार अन्य देशबाट कतार आउने फ्यानलाई आफ्नो शरीरको अंग नदेखाउने कपडा लगाउन सल्लाह दिइएको छ ।
कतारको कानुन अनुसार यदि कसैले यस्तो नगरे र उसको लुगाले शरीरको धेरैजसो भाग देखिएमा जेल पनि जान सक्छ । यति मात्र होइन पुरुषले पनि कडा नियम पालना गर्नुपर्ने हुन्छ । यदि पुरुषहरूले आफ्नो टि-सर्ट पूर्ण रूपमा फुकाल्छन् भने, उनीहरूलाई जरिवाना वा जेल पनि हुन सक्छ। स्लिभलेस र ‘आपत्तिजनक’ नारा लगाइएको टी-शर्ट लगाउन पनि अनुमति छैन।