गुगलको मूल कम्पनी अल्फाबेटबाट १२ हजार कर्मचारी हटाइँदै, सीईओले पठाए कर्मचारीलाई पत्र
प्रकाशित मिति : माघ ६, २०७९ शुक्रबार
गुगलको मातृ कम्पनी अल्फाबेटले ठूलो मात्रामा कर्मचारी हटाउने भएको छ । कम्पनीले शुक्रबार १२ हजार कर्मचारीलाई निकाल्ने निर्णय गरेको घोषणा गरेको हो ।
समाचार एजेन्सी एएफपीका अनुसार अल्फाबेटका सीईओ सुन्दर पिचाईले कर्मचारीहरूलाई पत्र पठाएका छन्। यसमा उनले लेखेका छन्, ‘हामीले हाम्रो कार्यदलमा करिब १२ हजार पद घटाउने निर्णय गरेका छौं ।’
उनले यो निर्णय “हामीले सामना गरिरहेको बदलिएको आर्थिक वास्तविकताका कारण” लिएको बताए। उनले भने, “हामीलाई यो बिन्दुमा पुर्याउने निर्णयहरूको पूर्ण जिम्मेवारी म लिन्छु।”
समाचार एजेन्सी रोयटर्सका अनुसार यो निर्णयले सम्पूर्ण कम्पनीका धेरै टोलीलाई असर गर्नेछ। कम्पनीले अमेरिकामा यस निर्णयबाट प्रभावित मानिसहरूलाई जानकारी दिएको छ। अन्य देशहरूमा, यो प्रक्रिया पूरा हुन केही समय लाग्न सक्छ।
केही दिनअघि माइक्रोसफ्टले १० हजारलाई जागिरबाट हटाएको जानकारी दिएको थियो ।