बालाजु-माछापोखरी क्षेत्रमा यातायात मजदुरहरुको उग्र रुप, अस्थायी प्रहरी बिट र २ वटा भ्यान जलाए
प्रकाशित मिति : फाल्गुन १, २०७९ सोमबार
यातायात व्यवसायी तथा मजदुरहरुले ट्राफिक प्रहरीले लागू गरेको सवारी नियमविरुद्ध काठमाडौंको बालाजु, माछापोखरी क्षेत्रमा प्रदर्शन गरेका छन् । यातायात व्यवसायी र मजदुरहरुले सडकमा टायर बाल्दै प्रदर्शन गर्दा दुई पक्षीय झडपको समेत स्थिति उत्पन्न भएको हो ।
आन्दोलनरत यातायात मजदुरले माछापोखरीको अस्थायी प्रहरी बिट र प्रहरीका दुई वटा भ्यान जलाएका छन् । आन्दोलनकारीहरुले ट्राफिक प्रहरीले सडक व्यवस्थापनमा राखेको डिभाइडर, चोकमा प्रहरी उभिने आइल्याण्ड लगायतका संरचनामा समेत आगो लगाएका छन् ।