भारतीय बहुप्रतिक्षित मिशन चन्द्रयान-३ तयार, जुलाई १४ मा प्रक्षेपण गरिँदै
प्रकाशित मिति : असार २२, २०८० शुक्रबार
भारतीय अन्तरिक्ष अनुसन्धान संगठन (आइएसआरओ) को बहुप्रतिक्षित मिशन चन्द्रयान-३ प्रक्षेपणको अन्तिम चरणमा छ। आइएसआरओले यस मिशनको बारेमा निरन्तर जानकारी आदान प्रदान गरिरहेको छ। यसैबीच, आइएसआरओले चन्द्रयान-३ अब १३ जुलाईको सट्टा १४ जुलाईमा प्रक्षेपण गरिने जनाएको छ ।
Movement of the launch vehicle to the launch pad. pic.twitter.com/Tu973C6IjC
— ISRO (@isro) July 7, 2023
यसअघि बुधबार आइएसआरओले एउटा भिडियो जारी गरी श्रीहरिकोटाको सतीश धवन स्पेस सेन्टरमा रहेको चन्द्रयान-३ को इनक्याप्सुलेटेड एसेम्बली LVM3 सँग जोडिएको जानकारी दिएको थियो। चन्द्रयान-३ इनक्याप्सुलेटेड एसेम्बलीमा अवस्थित छ। आइएसआरओले एक भिडियो जारी गरेको छ, जसमा LVM3 सँग इनक्याप्सुलेटेड एसेम्बल गरिएको देख्न सकिन्छ।
— ISRO (@isro) July 5, 2023
चन्द्रयान-३ को ल्यान्डरमा चार पेलोडहरू छन् भने छ पाङ्ग्रे रोभरमा दुईवटा पेलोडहरू छन्। चन्द्रयान-३ को ल्यान्डर र रोभरलाई त्यही नाम दिने निर्णय भएको आइएसआरओले जनाएको छ, जुन चन्द्रयान-२ को ल्यान्डर र रोभरको नाम थियो। चन्द्रयान-३ को ल्यान्डरको नाम विक्रम, भारतीय अन्तरिक्ष कार्यक्रमका पिता विक्रम साराभाईको नाममा र रोभरको नाम प्रज्ञान राखिनेछ।
किन चन्द्रयान-३ मिसनको विशेष छ ?
अहिलेसम्म विश्वका जति देशले चन्द्रमामा आफ्ना सवारी साधन पठाएका छन्, ती सबै चन्द्रमाको उत्तरी ध्रुवमा अवतरण गरेका छन् तर चन्द्रयान–३ चन्द्रमाको दक्षिणी ध्रुवमा अवतरण गर्ने पहिलो अन्तरिक्ष अभियान हुनेछ । केही वर्षअघि आइएसआरओले चन्द्रयान–२ लाई चन्द्रमाको दक्षिणी ध्रुवमा पनि अवतरण गरेको थियो तर अन्तिम केही मिनेटमा सम्पर्क टुटेपछि मिसन असफल भएको थियो ।
यसपटक चन्द्रयान–२ मिशनको सफलताका लागि नयाँ उपकरण बनाइएको छ । यस मिशनमा एल्गोरिदमहरू सुधार गरिएको छ। चन्द्रयान–३ मिसनको अवतरण स्थललाई ‘डार्क साइड अफ मुन’ भनिन्छ किनभने यो भाग पृथ्वीको अगाडि नआउने गर्छ ।
