पक्राउपछि पाकिस्तानका पूर्वप्रधानमन्त्री खानको भिडियो सार्वजनिक, भने- ‘घरमा चुपचाप नबस…’
प्रकाशित मिति : श्रावण २०, २०८० शनिबार
तोशखाना काण्डमा पक्राउ परेपछि पाकिस्तानका पूर्वप्रधानमन्त्री इमरान खानको सामाजिक सञ्जालमा एउटा भिडियो सन्देश सार्वजनिक भएको छ । भिडियोमा इमरान खानले आफूलाई आफ्नो गिरफ्तारीबाट डराएको र पक्राउ गर्नुअघि भिडियो सन्देश रेकर्ड गरिएको बताएका छन् ।
इमरानले भनेका छन्, “मेरो पाकिस्तानीहरू, जबसम्म यो सन्देश तिमीलाई पुग्छ, उनीहरूले मलाई गिरफ्तार गरिसकेका हुन्छन् र म जेलमा हुनेछु । तिमीलाई मेरो एउटै अपील छ कि तिमी घरमा चुपचाप नबस्नु । म यो मेरो लागि गरिरहेको छैन । म यो मेरो समुदायको लागि गर्दैछु, म यो तिम्रो लागि गर्दैछु।”
इमरानले जनताले आफ्नो अधिकारका लागि भोटमार्फत सरकार बनाउनुपर्ने बताएका छन् ।
Chairman Imran Khan’s message:
My arrest was expected & I recorded this message before my arrest.
It is one more step in fulfilling London Plan but I want my party workers to remain peaceful, steadfast and strong.
We bow before no one but Allah who is Al Haq. We believe in… pic.twitter.com/1kqg6HQVac
— Imran Khan (@ImranKhanPTI) August 5, 2023
किन गरियो गिरफ्तारी ?
अदालतको फैसलापछि पाकिस्तानका पूर्वप्रधानमन्त्री इमरान खानलाई लाहोरस्थित उनको निवास जमान पार्कबाट पक्राउ गरिएको छ ।
इस्लामावादको जिल्ला तथा सत्र अदालतले तोशाखाना मुद्दामा इमरान खानलाई दोषी ठहर गर्दै तीन वर्षको जेल सजाय र एक लाख रुपैयाँ जरिवानाको सजाय सुनाएको छ ।
इमरान खानको पार्टी तेहरिक–ए–इन्साफले निर्णयलाई पक्षपाती भन्दै यसलाई सर्वोच्च अदालतमा चुनौती दिने बताएको छ ।
