भारतसँगको खेलअघि नेपाली क्रिकेट टोलीका प्रशिक्षक मोन्टी देसाईंले के भने ?
प्रकाशित मिति : भाद्र १७, २०८० आईतबार
एसिया कपमा भारतसँगको महत्वपूर्ण खेलअघि नेपाली क्रिकेट टोलीका प्रशिक्षक मोन्टी देसाईले आफ्नो टोलीको सपना साकार हुने बताएका छन् ।
नेपाल र भारतबीचको खेल सोमबार श्रीलंकाको क्यान्डीमा हुँदैछ ।
मन्टी देसाईले भने, “हरेक पुस्ताको (नेपाली क्रिकेटको) सपना थियो कि एक दिन ठूला देशसँग खेल्ने… आज उनको सपना साकार भएको छ।”
नेपाली टोलीको पहिलो खेल पाकिस्तानसँग थियो । त्यो खेल पाकिस्तानको टोलीले २३८ रनले जितेको थियो ।
भारतको पहिलो खेल पनि पाकिस्तानसँग थियो । त्यो खेल वर्षाका कारण रद्द भएको थियो र दुवै टोलीले अंक बाँडेका थिए।
नेपाल र भारतबीचको खेलमा पनि वर्षाले अवरोध गर्ने सम्भावना छ ।