चीनमा फेरि फैलियो कोरोना संक्रमण : अक्टोबरमा मात्रै २०९ संक्रमित, २४ जनाको मृत्यु
प्रकाशित मिति : कार्तिक २५, २०८० शनिबार
चीनमा फेरि एक पटक कोरोना संक्रमण फैलिएको छ ।अक्टोबर महिनामा यहाँ २०९ जनामा कोरोना संक्रमण देखिएको छ ।
यस अवधिमा संक्रमणका कारण २४ जनाको मृत्यु भएको छ । तर, चीनमा सरुवा रोग नियन्त्रणसँग सम्बन्धित विभागले कोरोनाका कारण श्वासप्रश्वासको समस्याका कारण कसैको मृत्यु नभएको जनाएको छ ।
कोरोना र अन्य रोगका कारण यी मृत्यु भएका हुन् । गत वर्षको डिसेम्बरमा चीनमा कोरोना संक्रमण बढेको थियो ।
त्यसबेला चिनियाँ स्वास्थ्य अधिकारीहरूले केही महिनाभित्र १९ देखि ८० करोड मानिसमा कोभिड–१९ सङ्क्रमण हुने सम्भावना व्यक्त गरेका थिए ।
त्यसबेला प्रकाशित एनपीआर रिपोर्टमा चीनमा कोरोनाका कारण मृत्यु हुनेको संख्या ५ लाख हुनसक्ने बताइएको थियो । तर, चीनमा मृत्यु हुनेको आधिकारिक आंकडा योभन्दा निकै कम थियो ।