फिनल्याण्डद्वारा लेबनानका कमजोर बालबालिका र युवाहरूलाई ३७ लाख युरो सहयोग
प्रकाशित मिति : मंसिर ९, २०८० शनिबार
फिनल्याण्ड सरकारले लेबनानका कमजोर बालबालिका र युवाहरूलाई सहयोगस्वरूप संयुक्त राष्ट्रसंघ बाल कोष (युनिसेफ) मार्फत ३७ लाख युरो (लगभग ४ मिलियन अमेरिकी डलर) सहयोग गरेको छ ।
यस सहयोगले विद्यालयबाहिर रहेका सीमान्तकृत बालबालिका र उनीहरूका परिवारलाई शिक्षा, बाल संरक्षण, किशोर र युवा संलग्नता, सामाजिक सहयोग र स्वास्थ्य तथा पोषण सेवा उपलब्ध गराएर सहयोग गर्नेछ ।
सेवाहरूले बालबालिका र युवाहरूको निरन्तर शिक्षा सुनिश्चित गर्ने र सबै बालबालिकाका लागि सुरक्षात्मक वातावरण प्रदान गर्दै थप सामाजिक एकतामा योगदान दिने विश्वास गरिएको छ ।
”लेबनानमा जटिल सङ्कटको वर्तमान सन्दर्भमा, सबैभन्दा कमजोर बालबालिकाहरू अझ पछाडि धकेलिएका छन् । कमजोर अवस्थाले बालबालिकाको जीवनको लगभग हरेक पक्षलाई असर गरेको छ । त्यसैले बालबालिकाको अधिकार सुरक्षित गर्न आवश्यक छ ।” लेबनानका लागि फिनल्याण्डका राजदूतले उल्लेख गर्नु भएको छ ।
लेबनानमा युनिसेफका प्रतिनिधि एडुअर्ड बेइगबेडरले भन्नु भएको छ– यस नयाँ योगदानको माध्यमबाट, हामी कमजोर बालबालिका र किशोरकिशोरीहरूलाई सुरक्षा, सामाजिक सहायता, शिक्षा, र सीप निर्माणका विभिन्न सेवा प्रदान गरेर उनीहरूलाई राम्रो बनाउनको लागि सुधार गर्न जारी राख्नेछौं ।
ती सेवा युनिसेफको नयाँ कार्यक्रम, बहु–सेवा सामुदायिक केन्द्रहरू दृष्टिकोणमार्फत प्रदान गरिनेछ जसले समुदायमा आधारित विभिन्न सेवाहरूको दायरा विस्तार गर्नेछ ।