नेपाल एयरलाइन्सका यी उडानहरुको चेक-इन उडान समय भन्दा ४ घण्टा अगाडिबाट हुने
प्रकाशित मिति : माघ २७, २०८० शनिबार
नेपाल वायुसेवा निगमको फागुन एक गतेबाट हुने उडानहरुको चेक–इन उडान समय भन्दा ४ घण्टा अगाडिबाट हुने भएको छ ।
निगमको काठमाण्डौं– दुबई र काठमाण्डौं – दमाम सेक्टरका फागुन एक गतेबाट हुने उडानहरुको चेक–इन उडान समय भन्दा ४ घण्टा अगाडिबाट हुने भएको हो ।
विमास्थलमा हुने यात्रु चापलाई मध्यनजर गर्दै निगमले काठमाण्डौं-दुबई (आरए-२२९) र काठमाण्डौं-दमाम (आरए-२४१) सेक्टरका उडानहरुको चेक–इन उडान समय भन्दा ४ घण्टा अगाडिबाट गर्ने भएको हो ।
निगमले यी सेक्टरका उडानहरुको चेक–इन उडान समय भन्दा ४ घण्टा अगाडिबाट हुने भएकोले सोही बमोजिम समयमा नै विमानस्थल पुग्न आग्रह गरेको छ ।