भाले र पोथी भएको दुर्लभ चरा कोलम्बियामा फेला परर्यो , बिज्ञ भन्छन यो दोश्रो घटना हो
प्रकाशित मिति : फाल्गुन १५, २०८० मंगलबार
एउटै शरीरमा भाले र पोथी भएको दुर्लभ चरा कोलम्बियामा फेला परेको छ । विज्ञका अनुसार १ सय वर्षमा यस्तो चरा फेला परेको यो दोस्रो पटक हो । यो चराको शरिरको आधा भाग नीलो र आधा भागमा हरियो प्वाँख रहेको बताइएको छ ।
यो चराको देब्रे पट्टीको प्वाँख हरियो छ। यो प्रजातिका पोथी चरामा मात्र हरियो प्वाँख हुन्छ। दाहिने पट्टीको प्वाँख भने भालेमा मात्र हुने खालको नीलो छ। चराचुरुङ्गीमा विशेष रुचि राख्ने जोन मुरियोले कोलम्बियामा यस्तो चरा फेला पारेका हुन् ।
अधिकांश पन्छी अवलोकनकर्ताले आफ्नो जीवनमा शरीरमा भाले र पोथी भएको चरा देख्न पाउँदैनन् । भाले र पोथी दुवैथरी गुण एउटै पन्छीमा देखिएको अवस्था निकै दुर्लभ हुन्छ । आधा भाग भाले र आधा भाग पोथी मा हुँदा जीवको एउटा भागले भालेको गुण र अर्को भागले पोथीको गुण देखाउँछ।
१ सय वर्षको अभिलेखअनुसार एउटै शरीरमा भाले र पोथीको गुण भएको जीव भेटिनु र लिङ्ग पहिचान र पन्छीको यौन व्यवहार बारेमा हाम्रो बुझाइ महत्वपूर्ण छ।
द्विपाश्वीय स्त्रीपुरुषताको यो उदाहरणले अरु प्रजातीमा जस्तै चराको एउटा भाग भाले वा पोथी हुन सक्ने अनुमान गरिएको छ । एजेन्सीहरु