युएससीआईएसको गल्तीले बायोमेट्रिक दिने आवेदक समस्यामा, सूचना बोकेर सर्पोट सेन्टरमा जान सुझाव
प्रकाशित मिति : चैत्र ३, २०८० शनिबार
विभिन्न अध्यागमन प्रक्रियाहरूका लागि युएससीआईएस समक्ष आवेदन दिएका ठूलो संख्याका आवेदकहरूले आवश्यक बायोमेट्रिक अपोइन्टमेन्टहरूको समयतालिकामा समस्याको सामना गरेपछि युएससीआईएसले यसलाई सम्बोधन गरेको छ । कैयन आवेदकले आफ्नो बायोमेट्रिक अपोइन्टमेन्ट सूचनाहरू ढिलो गरी प्राप्त गरेका थिए वा सूचना प्राप्त हुँदासम्म बायोमेट्रिकका लागि तोकेको मिति वितिसकेको थियो ।
यस्तो समस्या उत्पन्न भएपछि बायोमेट्रिक दिन नपाएको कारणले आवेदकहरूको अध्यागमन आवेदनमा नकारात्मक प्रभाव पार्नसक्ने चिन्ता बढेको थियो । युएससीआईएसले आधिकारिक रूपमा यो समस्यालाई स्वीकार गरेको छ । छोटो समयतालिका विन्डो सम्बन्धी समस्याका कारण अनजानमा अपोइन्टमेन्ट सूचनाहरू पठाउन ढिलाइ भएको र गल्तीहरु निम्त्याएको युएससीआईएसले जनाएको छ ।
एजेन्सीले यो चिन्तालाई सम्बोधन गर्दै परिस्थितिलाई सुधार गर्ने उद्देश्यका उपायहरू कार्यान्वयन गर्ने र भविष्यमा यो दोहोरिने नदिने आश्वासन दिएको छ । छोटो समयतालिका विन्डोको कारण यो समस्या उत्पन्न भएको र सुधारात्मक कार्यहरू भन्दै युएससीआईएसले सरोकारवालाहरूलाई सूचित गरेको छ। यो पहलले बायोमेट्रिक्स अपोइन्टमेन्ट शेड्युलिङसँग सम्बन्धित सरोकारवालाहरूका चिन्ता हटाउँदै समस्यालाई कम गर्ने अपेक्षा गरिएको छ।
युएससीआईएसले सबै एप्लिकेसन सपोर्ट सेन्टरहरूलाई यो समस्याबाट प्रतिकूल असर परेका आवेदकहरूको बायोमेट्रिक लिन निर्देशन जारी गरेको छ। आफ्नो अपोइन्टमेन्ट सूचनाहरू ढिलो पाएका वा सूचना आइपुग्दासम्म अपोइन्टमेन्टको मिति गइसकेकाहरुलाई ती सूचनाहरु बोकेर बायोमेट्रिकका लागि एप्लिकेसन सपोर्ट सेन्टर सन्दर्भमा उक्त सूचना लिएर बायोमेट्रिकका लागि जान सुझाव दिइएको छ । ती सूचनाहरु देखाएपछि मिति गुज्रिसकेको भएतापनि प्रभावित आवेदकहरुको बायोमेट्रिक लिइनेछ ।