पोर्चुगल शेंगेन क्षेत्रबाट हट्ने जोखिममा, के असर पर्छ ?
प्रकाशित मिति : बैशाख ३१, २०८१ सोमबार
![boats docked near seaside promenade]](https://i0.wp.com/www.khasokhas.com/wp-content/uploads/2024/05/prb-sjoubfs.jpg?fit=1600%2C1067&ssl=1)
युरोपको शेंगेन क्षेत्रमा पर्ने पोर्चुगल अब उक्त क्षेत्रबाट हट्ने जोखिममा परेको छ । युरोपियन युनियनबाट लागु गरिएको नयाँ सिमा सुरक्षा कार्यान्वयन गर्नमा पोर्चुगलले ढिलो गरेका कारण शेंगेन क्षेत्रबाट हट्ने खतरा उत्पन्न भएको हो ।
मुख्य फोकस नयाँ सीमा नियन्त्रण प्रणालीको स्थापना हो। कार्यादेश अनुसार यो जुलाईसम्म पूर्ण रूपमा सञ्चालन र प्रमाणीकरण गर्न आवश्यक छ। यदि म्यादभित्र काम पूरा भएन भने पोर्चुगल शेंगेन क्षेत्रबाट निलम्बन हुनसक्छ । यस्तो कदम कठोर चालिएमा यसको नतिजा विशेष गरी देशको पर्यटन क्षेत्रमा नकारात्मक पर्नेछ ।
पोर्चुगलको सरकारले मुद्दालाई खुल्लमखुल्ला स्वीकार गरेको छ । सरकारले शेंगेनबाट हटेमा पोर्चुगलको पर्यटनमा पर्ने सम्भावित असरहरू पनि स्वीकार गरेको छ । वर्तमान सरकारले एन्टोनियो कोस्टाको नेतृत्वमा रहेको अघिल्लो प्रशासनलाई ढिलाइको श्रेय दिएको छ । मार्चमा २५ मिलियन युरोको बजेट स्वीकृत हुँदा पनि अघिल्लो सरकारले आवश्यक उपकरण खरिदका लागि टेन्डर प्रक्रिया सुरु नगरेको आरोप लगाइएको छ ।
अहिले प्रत्यक्ष प्रकृया प्रयोग गरी खरिद प्रक्रियालाई तीव्रता दिने प्रयास भइरहेको छ । तर यो प्रकृयामा पक्षपात भएको र प्रभावकारिताको अभाव भएको भन्दै आलोचना समेत भएको छ । जुलाईको म्याद सकिन लागेको अवस्थामा अधिकारीहरूले कामलाई तीब्रता दिइरहेका छन् ।
युरोपियन युनियनले सिमा नियन्त्रणमा पोर्चुगलको प्रगतिलाई नजिकबाट अनुगमन गरिरहेको छ। काम जारी रहेपनि पोर्चुगल युरोपियन युनियनबाट लागु गरिएको नयाँ सिमा सुरक्षा कार्यान्वयन गर्न अक्टोबरसम्म सक्षम हुने अपेक्षा गरिएको छ ।
यदि पोर्चुगल शेंगेन क्षेत्रबाट हटेको खण्डमा युरोपको शेंगेन क्षेत्रको भिसा लगाएर जानेहरु पोर्चुगल जान नपाउने र पोर्चुगल जानका लागि छुट्टै भिसा लिनुपर्ने अवस्था आउन सक्छ । साथै पोर्चुगलको अस्थायी बासिन्दाको कार्ड लिइसकेकाहरु पनि युरोपका अन्य भागमा जानका लागि ती देशको भिसा लगाउनुपर्ने अवस्था आउनेछ ।