दक्षिण अफ्रिकाले नेपाललाई दियो जीतको लागि ११६ रनको लक्ष्य
प्रकाशित मिति : जेष्ठ ३२, २०८१ शुक्रबार
आइसिसी टी- २० विश्वकप क्रिकेटअन्तर्गत दक्षिण अफ्रिकाले नेपाललाई जीतको लागि ११६ रनको लक्ष्य दिएको छ ।
अेल वेस्टइन्डिजको सेन्ट भिसेन्टस्थित अरनोस भाल रङ्गशालामा टस हारेर पहिले ब्याटिङको निम्तो पाएको दक्षिण अफ्रिकाले निर्धारित २० ओभरमा ७ विकेट गुमाएर ११५ रन बनाएको हो ।
दक्षिण अफ्रिकाका लागि रिजा हेन्डरक्सिले सर्वाधिक ४३ रन बनाए । यस्तै, ट्रिस्टन स्टब्सले २७ रन, एडेन मार्क्रमले १५ रन, क्वीन्टन डी ककले १० रन बनाए । अन्य ब्याट्सम्यानहरु भने चल्न सकेनन् ।
नेपालका लागि कुशल भुर्तेलले ४ विकेट र दीपेन्द्र सिंह ऐरीले ३ विकेट लिएका हुन् ।
नेपाललाई विश्वकपको दोस्रो चरणमा पुग्नका लागि दक्षिण अफ्रिकाविरुद्धको खेल जित्नै पर्ने बाध्यता छ ।