टी–२० विश्वकप क्रिकेटको सुपर आठ चरण : अमेरिका र दक्षिण अफ्रिका आम्नेसाम्ने हुदै
प्रकाशित मिति : असार ४, २०८१ मंगलबार
आईसीसी टी–२० विश्वकप क्रिकेटमा आज बुधबारदेखि ‘सुपर–आठ’ का खेल शुरु हुँदैछन् ।
पहिलो खेलमा आयोजक अमेरिका र दक्षिण अफ्रिका आम्नेसाम्ने हुनेछ । खेल नेपाली समयअनुसार राति सवा ८ बजे एन्टिगुवामा शुरु हुनेछ ।
नवौँ संस्करणमा अमेरिका समूह ‘ए’को उपविजेता हुँदै सुपर–आठमा पुगेको हो । अमेरिका सुपर–आठमा पुग्ने एक मात्र एसोसियट टोली हो ।
एसोसियट टोली नेपाल, ओमान, क्यानडा, स्कटल्यान्ड, नेदरल्यान्ड्स, युगान्डा, पपुवा न्यूगिनी पीएनजी र नामिबिया पहिलो चरणबाटै बाहिरीए ।
१० वर्षपछि विश्वकप खेलेको नेपाल समूह ‘डी’ मा एक अङ्कमात्रै जोडेर बाहिरीएको हो । सुपर–आठमा आयोजक अमेरिका र वेस्ट इन्डिजसँगै दक्षिण अफ्रिका, भारत, अफगानिस्तान, बङ्गलादेश, इङ्ग्ल्यान्ड र अस्ट्रेलिया पुगेका छन् ।
‘सुपर–आठ’ का खेल जुन २५ तारिखसम्म चल्ने छ । जुन २६ र २७ मा सेमिफाइनल तथा जुन २९ तारिखमा फाइनल खेल हुनेछ ।