दक्षिण अफ्रिका टी २० विश्वकपको उपाधि नजिक पुग्यो , अफगानिस्तान सेमिफाइनलमा ९ विकेटले पराजित
प्रकाशित मिति : असार १२, २०८१ बुधबार
दक्षिण अफ्रिका आईसिसी टी २० विश्वकपको फाइनलमा पुगेको छ । उसले उपाधिका लागि बिहिबार बेलुका भारत र इङल्याण्डबिचको दोश्रो सेमिफाइनलको बिजेत संग प्रतिश्पर्धा गर्नेछ ।
बिहिबार बिहान भएको पहिलो सेमिफाइलमा अफगानिस्तानलाई ९ विकेटको फराकिलो अन्तरले पराजित गर्दै दक्षिण अफ्रिकाले आफुलाई उपाधि नजिक पुराएको हो ।
टस जितेर पहिले ब्याटिङ गरेको अफगानिस्तानले ११ दशमलव ५ ओभरमा सबै विकेट गुमाएर ५६ रन मात्रै बनाउन सक्यो । अफगानिस्तानले दिएको ५७ रनको लक्ष्य दक्षिण अफ्रिका ६७ बल बाँकी रहदै १ विकेट गुमाएर भेटायो ।
रिजा हेन्डिक्स २५ बलमा ३ चौका र १ छक्कासहित २९ रनमा अविजित रहे । एडेन माक्ररम २१ बलमा ४ चौकासहित २३ रनमा नट आउट रहे । ओपनर क्विन्टन डि कक तीव्र गतिका बलर फजलहक फारुकीको बलमा ५ रनमै बोल्ड भएका थिए ।
अफगानिस्तानलाई अलआउट गर्न मार्को जान्सेन र तब्राइज साम्सीले ३–३ तथा कागिसो रबडा र एनरिच नोर्त्याले २–२ विकेट लिएका थिए ।
अफगानिस्तानका लागि अज्मतुल्लाह अमरजाईले सर्वाधिक १० रन बनाए । अन्य खेलाडीले दोहोरो अंक समेत बटुल्न सकेनन् । न्युजिल्यान्ड, अस्ट्रेलिया र बंगलादेशलाई हराउँदै सेमिफाइनल पुगेको अफगानिस्तानले सेमिफाइनलमा निराशाजनक प्रर्दशन गरेको छ ।