युरोकप फुटवलमा अन्तिम १६ को टुंगो लाग्यो , पोर्चुगलले स्लोभेनियासँग खेल्नु पर्ने
प्रकाशित मिति : असार १३, २०८१ बिहीबार
युरोकप फुटवल अन्र्तगत अन्तिम १६ मा खेल्ने टिमको टुंगो लागेको छ । बुधबार राति समूह चरणका सबै खेलहरू सकिएलगत्तै नक आउट चरणको समिकरण पुरा भएको हो ।
नेदरल्याण्ड्स, स्लोभाकिया, जर्जिया र स्लोभेनिया तेस्रो स्थानमा रहने उत्कृष्ट चार टिममा परेर नकआउटमा प्रवेश गरेका छन् ।
६ वटा समूहको प्रत्येक समूहको शीर्ष स्थानमा रहने २ टिम र तेस्रो स्थानमा रहनेमध्येका उत्कृष्ट चार टिम अन्तिम १६ मा पुग्ने व्यबस्था रहेको छ ।
समूह ‘ए’ बाट जर्मनी र स्वीट्जरल्याण्ड, समूह ‘बी’ बाट स्पेन र इटाली, समूह ‘सी’ बाट इंग्ल्याण्ड र डेनमार्क, समूह ‘डी’ बाट अष्ट्रिया र फ्रान्स, समूह ‘ई’ बाट रोमानिया र बेल्जियम र समूह ‘एफ’ बाट पोर्चुगल र टर्कि समूह विजेता र उपविजेता बन्दै नक आउटमा प्रवेश गरेका छन् ।
नक आउटमा स्वीट्जरल्याण्डले इटालीसँग, जर्मनीले डेनमार्कसँग, इंग्ल्याण्डले स्लोभाकियासँग, स्पेनले जर्जियासँग, फ्रान्सले बेल्जियमसँग, पोर्चुगलले स्लोभेनियासँग, रोमानियाले नेदरल्याण्ड्ससँग र अष्ट्रियाले टर्कि सँग खेल्नेछ ।
अन्तिम १६ का खेलपछि जुलाई ५ देखि क्वाटरफाइलनका खेलहरू सुरू हुनेछ । जुलाई १० र ११ मा सेमिफाइनल हुनेछ । जुलाई १५ मा फाइनल उपाधि भिडन्त हुनेछ । पोर्चुगल डिफेण्डिङ्ग च्याम्पियन हो ।