भारतीय क्रिकेटर शिखर धवनद्वारा अन्तर्राष्ट्रिय र घरेलु क्रिकेटबाट सन्यासको घोषणा
प्रकाशित मिति : भाद्र ७, २०८१ शुक्रबार
भारतीय क्रिकेटर शिखर धवनले अन्तर्राष्ट्रिय र घरेलु क्रिकेटबाट सन्यासको घोषणा गरेका छन् । उनले शनिबार बिहान सामाजिक सञ्जालमार्फ यो जानकारी दिएका हुन् ।
शिखर धवनले ३४ टेस्ट र १६७ ओडीआई खेलेका छन् ।
उनले एकदिवसीय खेलमा ६७९३ रन बनाएका छन् भने टेष्टमा ५८ इनिङ्समा २३१५ रन बनाएका छन् ।
शिखर धवनले भने, ‘आज म यस्तो बिन्दुमा उभिएको छु जहाँबाट फर्केर हेर्दा सम्झना मात्रै देख्छु र अगाडि हेर्दा सारा संसार देख्न सक्छु । मसँग सधैं भारतका लागि खेल्ने एउटै गन्तव्य थियो र त्यो भयो जसको लागि म धेरै मानिसहरूलाई धन्यवाद दिन्छु।’
शिखर धवनले आफ्नो परिवार, बाल्यकालका प्रशिक्षक, भारतीय टोली, बीसीसीआई, डीडीसीए र फ्यानहरूलाई धन्यवाद दिएका छन्। उनले आफ्नो क्रिकेट यात्रालाई अलविदा भन्दै भारतका लागि खेलेकोमा मनमा खुशी लागेको बताए ।