रुसले ह्यारिसबिरुद्ध गलत भिडियो बनाएर भ्रम फैलाइरहेको अमेरिकाको आरोप
प्रकाशित मिति : कार्तिक १६, २०८१ शुक्रबार
अमेरिकी अधिकारीहरूले अनलाइनमा फैलिएको एक भिडियो रूसले बनाएको पुष्टि गरेका छन् । जर्जियाका राज्य चुनाव अधिकारीहरूले यस भिडियोलाई गलत सूचना भनेर चित्रण गरेका छन्।
जर्जियाका सचिव ब्राड राफेन्स्परगरले भने, उक्त भिडियोले दावा गरेको छ कि केही हैटियनहरू अवैध रूपमा कमला ह्यारिसलाई भोट हालिरहेका छन् । यो भिडियो नक्कली हो र सम्भवतः रूसी ट्रोल फार्मको काम हो ।
बिहीबार सामाजिक सञ्जालमा पोस्ट गरिएको भिडियोमा एक व्यक्तिले आफू र अन्यले छ महिनाअघि हैटीबाट अमेरिका आएको र त्यस समयमा अमेरिकी नागरिकता प्राप्त गरेको दाबी गरेका छन् ।
उनले आफूहरूले जर्जियाका धेरै काउन्टीहरूमा कमला ह्यारिसलाई भोट हालिरहेको बताएका छन् । फुल्टन काउन्टीका अधिकारीहरूले भने अनुसार ड्राइभर लाइसेन्समा देखाइएको नामका कुनै पनि भोटर दर्ता भएको फेला परेको छैन ।
राफेन्स्परगरले आफ्नो कार्यालयले राज्य र संघीय साझेदारहरूसँग मिलेर स्रोत पत्ता लगाउन प्रयास गरिरहेको बताएका छन् । X का मालिक एलोन मस्क तथा अन्य सामाजिक सञ्जाल प्लेटफर्मका नेतृत्वलाई भिडियो हटाउन आग्रह गरेका छन् ।
यो भिडियो एक अज्ञात X खाताबाट पोस्ट गरिएको थियो । जसले पहिले पनि रूसी प्रभाव समूहबाट गलत सूचना फैलाएको क्लेमसन विश्वविद्यालयको मिडिया फरेन्सिक्स हबका सह निर्देशक र रूसी गलत सूचना विशेषज्ञ डेरेन लिनविलले बताए।
राष्ट्रिय गुप्तचर कार्यालय, एफबीआई र साइबर सुरक्षा तथा पूर्वाधार सुरक्षा एजेन्सीले वक्तव्य निकालेर यो भिडियो रूसीहरूको सिर्जना हो भनेको थियो ।
अमेरिकी चुनावको विश्वसनीयता माथि आधारहीन प्रश्नहरू उठाउन र अमेरिकनहरू बीच विभाजन बढाउन प्रयास गर्ने रुसको रणनीतिको एक हिस्सा भएको वक्तव्यमा भनिएको छ ।