डोनाल्ड ट्रम्पद्वारा फ्लोरिडामा समर्थकहरूलाई सम्बोधन, भने- ‘अमेरिकाले बलियो बहुमत दियो’
प्रकाशित मिति : कार्तिक २१, २०८१ बुधबार
रिपब्लिकन पार्टीका राष्ट्रपतिका उम्मेदवार डोनाल्ड ट्रम्पले फ्लोरिडामा आफ्ना समर्थकहरूलाई सम्बोधन गरिरहेका छन् ।
उनी श्रीमती मेलानिया ट्रम्प र चुनावी अभियानका कर्मचारीसँग स्टेजमा पुगेका थिए । समर्थकलाई सम्बोधन गर्दै ट्रम्पले भने, हामी हाम्रो देशलाई निको पार्न मद्दत गर्नेछौं।
ट्रम्पले यो अमेरिकाको लागि ‘स्वर्ण युग’ हुने समेत दाबी गरे । उनले आफ्नो जित अमेरिकी जनताको ठूलो भएको समेत जिकिर गरे ।
ट्रम्पले भने, ‘यो अमेरिकी जनताको लागि ठूलो जीत हो। जसले हामीलाई अमेरिकालाई फेरि महान बनाउन सक्षम बनाउँछ।’
ट्रम्पले आफ्नो जित घोषणा गरेका छन् । ट्रम्पले भने, ‘अमेरिकाले हामीलाई अभूतपूर्व र शक्तिशाली बहुमत दिएको छ।’
यद्यपि यसको औपचारिक घोषणा भने भइसकेको छैन ।