ट्रम्पकी बुहारी लारा किन पछाडि हटिन ? कारण यस्तो रहेछ
प्रकाशित मिति : पुस ७, २०८१ आईतबार
अमेरिकाका नवनिर्वाचित राष्ट्रपति डोनाल्ड ट्रम्पकी बुहारी लारा ट्रम्पले सिनेटको सिटका लागि प्रतिश्पर्धा नगर्ने बताएकी छन । उनले आफ्नो नाम हटाउने निर्णय गरेको बताएकी छन ।
रिपब्लिकन नेशनल कमिटी (आरएनसी) को सह अध्यक्षको पदबाट उनले यसै महिना राजीनामा दिएकी थिइन । त्यसै कारण उनले फ्लोरिडाका रिपब्लिकन सेनेटर मार्को रुबियोलाई प्रतिस्थापन गर्ने संभावना बढाएको थियो ।
रुबियोलाई राष्ट्रपति डोनाल्ड ट्रम्पले विदेश मन्त्रीको रूपमा मनोनयन गरिसकेका छन । तर एक पोस्टमार्फत लारा ट्रम्पले धेरै सोच विचार, मनन, र धेरै व्यक्तिहरूको सुझावपछि आफ्नो नाम हटाउने निर्णय गरेको बताएकी छन ।
उनले फ्लोरिडाका गभर्नर रोन डेसान्टिसलाई शुभकामना दिएकी छन । रुबियोको ६ वर्षे कार्यकाल, जुन २०२६ मा समाप्त हुनेछ ।
जीवनकालको सबैभन्दा जोखिमपूर्ण निर्वाचनमा आरएनसीको सह अध्यक्षको रूपमा सेवा गर्न पाउनु मेरो लागि ठूलो सम्मानको कुरा थियो, र मलाई विशेषगरी फ्लोरिडा राज्यका जनताबाट देखाइएको अद्भुत समर्थनले अत्यन्तै खुशी बनाएको छ ट्रम्प ले आफनो पोष्टमा भनेकी छन ।
उनले जनवरीमा एउटा ठूलो घोषणा गर्ने उल्लेख गरेकी छन तर त्यसबारेमा केहि बताएकी छैनन ।
लारा ट्रम्प यस वर्ष मार्चमा आरएनसीको सह अध्यक्षको रूपमा निर्वाचित भएकी थिइन् । जसले पार्टीमा उनका ससुरा डोनाल्ड ट्रम्पको प्रभावलाई थप मजबुत बनाएको थियो।
उनले आफ्ना पति एरिक ट्रम्प, र जेठा भिनाजु डन जुनियरसँगै निर्वाचनको अभियानमा रिपब्लिकन उम्मेदवारको प्रमुख सहयोगीको रूपमा महत्वपूर्ण भूमिका खेलेकी थिइन्।
