ट्रम्पको प्रस्ताव ग्रिनल्याण्डद्धारा अस्वीकार, अमेरिकाले अब के गर्ला ?
प्रकाशित मिति : पुस ८, २०८१ सोमबार
ग्रिनल्यान्डले आफु बिक्रीमा नरहेको बताएको छ । ग्रिनल्यान्डका प्रधानमन्त्री म्युट इगेडले विक्री सम्झौताको कुनै पनि सम्भावना नभएको बताए । “ग्रिनल्यान्ड हाम्रो हो । हामी बिक्रीका लागि होइनौँ र कहिले पनि बिक्रीका लागि हुनेछैनौ उनले भनेका छन ।
विश्वको सबैभन्दा ठूलो टापु ग्रिनल्यान्ड एउटा स्वायत्त डेनिस क्षेत्र हो । यसको आफ्नै संसद्, करिब ५५ हजार बासिन्दा र एउटा सानो स्वतन्त्रता समर्थक आन्दोलन छ ।
अमेरिकी निर्वाचित राष्ट्रपति डोनाल्ड ट्रम्पले अमेरिकाले प्रमुख खनिज र तेल भण्डार भएको रणनीतिक टापुको नियन्त्रण लिन चाहेको सङ्केत गरेपछि ग्रिनल्याण्डले प्रतिकृया दिएको हो ।
ट्रम्पले आफ्नो पहिलो कार्यकालमा यो विशाल डेनिश क्षेत्र किन्ने प्रस्ताव गरेका थिए । जसलाई तत्काल अस्वीकार गरिएको थियो ।
ट्रम्पले आफ्नो आगामी प्रशासनका लागि डेनमार्कमा राजदूत नियुक्त गर्दा यो प्रयासलाई पुनर्जीवित गरेको देखिएको छ ।
विश्वभरको राष्ट्रिय सुरक्षा र स्वतन्त्रताको उद्देश्यका लागि अमेरिकाले ग्रिनल्यान्डको स्वामित्व र नियन्त्रण एक पूर्ण आवश्यकता हो भन्ने महसुस गर्दछ”, ट्रम्पले आइतबार पोस्ट गरेका छन ।
ग्रिनल्यान्डले आफु बिक्रीका लागि नभएको बताएपछि राष्ट्रपतिका रूपमा ट्रम्पले सन् २०१९ मा डेनमार्कको राजकीय भ्रमण रद्द गरेका थिए ।
राष्ट्रपति जो बाइडेनको कार्यकालमा ग्रिनल्याण्डलाई अमेरिकाले खरिद गर्न नचाहेको तर यसको सट्टा सम्बन्ध बलियो बनाउन खोजेको बताएका थिए ।
