आफनो पानी क्षेत्रमा अड्किएको तेल ट्यांकर रसियाको भएको जर्मनीको भनाई
प्रकाशित मिति : पुस २८, २०८१ आईतबार
जर्मनीका अधिकारीहरूले जर्मन पानी क्षेत्रमा अड्किएको तेल ट्यांकर रसियाको छायाँ बेडा मा पर्ने बताएका छन् । जसलाई जर्मनीले प्रतिबन्धबाट जोगिन रुसले प्रयोग गरेको आरोप लगाएको छ ।
जर्मनीको समुद्री प्राधिकरणले पानामाको झण्डा रहेको इभेन्टिन नामक जहाजले शक्ति र सन्चालन गुमाएको थियो । जसका कारण जहाजलाई सुरक्षित राख्न टगबोटहरू खटाइएको थियो ।
जर्मन विदेशमन्त्री एनालेना बेरबकले रसियाका राष्ट्रपति भ्लादिमिर पुटिनमाथि प्रतिबन्ध चक्मा दिने र खिया लागेको ट्यांकरहरूको प्रयोग गरेर युरोपको सुरक्षा खतरामा पार्ने गरेको आरोप लगाइन्।
इभेन्टिन ट्यांकर २७४ मिटर लामो र ४८ मिटर चौडा छ । यसले करिब ९९ हजार टन तेल बोकिरहेको छ । यो बाल्टिक समुद्रको तटीय पानीमा जर्मन टापु रुगनको उत्तरतर्फ कम गतिमा छ ।
शुक्रबार राति हेलिकप्टरबाट चार सदस्यीय विशेष टोली जहाजमा झारेर टगिङ प्रणाली स्थापना गरिएको थियो । तीनवटा टगबोटहरूले नचल्ने स्थितिमा रहेको जहाजलाई नियन्त्रणमा लिए । अधिकारीहरूले तेल चुहावट नभएको पुष्टि गरेका छन् ।
पानामाको झण्डा बोकेको भए पनि जर्मन अधिकारीहरूले यस घटनाका लागि रसियालाई दोष दिएका छन् ।
युरोपेली संघले रसियाको छायाँ बेडालाई लक्षित गरी सुरक्षा र वातावरणीय खतराको आरोप लगाउँदै थप प्रतिबन्धको तयारी गरिरहेको छ ।
अटलान्टिक काउन्सिलका अनुसार, रसिया यस्तो छायाँ बेडा प्रयोग गर्दैछ जसले तेल निर्यातको लागि प्रमुख माध्यमको रूपमा काम गर्दछ ।
