के अमेरिकी नागरिकलाई सीमा क्षेत्रमा रोकेर सोधपुछ गर्न सकिन्छ?
प्रकाशित मिति : चैत्र २१, २०८१ बिहीबार
अमेरिकी नागरिकलाई देशमा फर्किने अधिकार प्राप्त हुन्छ भने कस्टम्स र बोर्डर प्रोटेक्शन सीबीपीलाई सीमा पार गर्ने सबै व्यक्तिहरूसँग सोधपुछ, जाँच र निरीक्षण गर्ने अधिकार छ। यद्यपी अमेरिकी नागरिकहरूले सीमा क्षेत्रमा आफ्ना अधिकारहरू बारेमा जान्नु पर्ने केही कुरा छन् ।
सीबीपीले अमेरिकी सीमाहरूलाई सुरक्षा गर्ने र आप्रवासन तथा कस्टम्स कानून लागू गर्न महत्त्वपूर्ण भूमिका खेल्दछ। गैरकानूनी प्रवेश रोक्नु र अमेरिकी नागरिकहरू सहित सबै यात्रीहरूले अमेरिकी कानूनको पालना सुनिश्चित गनुृ नै उनीहरुको भूमिका हो ।
अमेरिकी नागरिकहरूलाई पनि अन्य यात्रूसरह सीबीपी अधिकारीहरुले रोक्न र सोधपुछ गर्न सक्छन् । उनीहरुले यात्रा उद्देश्य प्रमाणित गर्न, पहिचान जाँच गर्न र कुनै कानूनी उल्लङ्घन भए नभएको सुनिश्चित गर्न त्यस्तो सोधपुछ गर्न सक्छन् ।
सीबीपी अधिकारीहरुले तपाईंको पहिचान प्रमाणित गर्न, तपाईंको यात्रा इतिहास जाँच गर्न र तपाईंको सामान जाँच गर्न अधिकार राख्दछन्। त्यसैले सीमा पार गर्ने व्यक्ति सबै प्रवेशको आवश्यकताहरूको पालना गरिरहेको सुनिश्चित गर्नुपर्छ ।
इलेक्ट्रोनिक उपकरण र लगेज लगायतका व्यक्तिगत सामानहरू सीबीपीले जाँच गर्न सक्छ । सर्चमा असहयोग गर्दा ढिलाइ, सामान जफत वा थप जाँचको सम्भावना हुन्छ । राष्ट्रिय सुरक्षाका आधारमा सीबीपीलाई यी सामानहरूको जाँच गर्ने अधिकार छ ।
अमेरिकी नागरिकहरूलाई आफ्नो देशमा फर्किने स्वतन्त्र अधिकार भएपनि सीबीपीले प्रवेश दिनु अगाडि जाँच गर्न सक्छ। जबकि अमेरिकी नागरिकहरूको फर्किने अधिकार अस्वीकृत गर्न भने सक्दैन । केबल यो निरीक्षण प्रक्रियासम्म सीमित हुन्छ ।
नागरिकता प्रमाणित गर्न पासपोर्ट लगायतका वैध यात्रा कागजातहरू साथमा हुनुपर्छ । आवश्यक कागजातहरू भएमा प्रक्रिया सजिलो हुन्छ र अमेरिका प्रवेशमा समस्या आउँदैन।
अमेरिकी नागरिकले पहिचान र यात्रा उद्देश्य प्रमाणित गर्दा त्यसभन्दा बाहिरका प्रश्नहरूको जवाफ दिनु अनिवार्य छैन। अमेरिकी नागरिकले प्रवेश वा पहिचान प्रमाणिकरणसँग नजोडिएका प्रश्नहरूको जवाफ दिनुबाट अस्वीकृत गर्नसक्छन् ।
नियमित सोधपुछको क्रममा स्वचालित रूपमा वकिल राख्ने अधिकार छैन, तर यदि कसैलाई लामो समयका लागि थुनिएको छ भने, कानूनी सल्लाहको माग गर्न सकिन्छ । यदि सीबीपीले नाजायज समयसम्म थुनेको छ भने आफ्नो अधिकारहरूको रक्षा गर्न वकिलसँग सल्लाह गर्नु उपयुक्त हुन सक्छ।
निरीक्षणको क्रममा आफ्नो अधिकारलाई सम्मानजनक तरिकामा प्रकट गर्दै शान्त र समन्वयकारी बन्नु महत्त्वपूर्ण छ। जबकि सीबीपी अधिकारीहरुले निरीक्षण गर्ने अधिकार भएजस्तै अमेरिकी नागरिकहरु पनि आफ्ना अधिकारहरूका बारेमा विनम्र र द्रढ रहनुपर्छ ।
पहिचान र यात्रा सम्बन्धी प्रश्नहरूको जवाफ दिएपनि अत्यधिक व्यक्तिगत वा अनावश्यक प्रश्नहरूको जवाफ दिनेमा सतर्क रहनुपर्छ । किनभने प्रवेश प्रक्रिया भन्दा बाहिरका कुनै पनि प्रश्नको जवाफ दिनु आवश्यक हुँदैन ।
यदि सोधपुछ अत्यधिक वा असहज भएमा अमेरिका प्रवेशको स्वीकृतिका लागि शिष्टपूर्वक सोध्न सकिनेछ । यदि सोधपुछ अनावश्यक वा हस्तक्षेपकारी बनेको छ भने शिष्ट र विनम्रतापूर्वक अन्त्य गर्न अनुरोध गर्नु तपाईंको अधिकार हो।
यदि तपाईंको अधिकार उल्लङ्घन भएको महशुस गर्नुहुन्छ भने घटनाको रेकर्ड राख्नुहोस् । र थप मार्गदर्शनको लागि वकिलसँग सल्लाह गर्नुहोस्। के भएको छ भन्ने रेकर्ड राख्दा तपाईंको अधिकारको रक्षा गर्न मद्दत पुर्याउँछ । आवश्यकता परेको खण्डमा प्रमाणको रूपमा प्रयोग गर्न सकिन्छ।
तपाईंको अधिकारहरूका बारेमा जानकार हुनुले सीमा क्षेत्रमा तपाईंको अनुभवलाई सहज बनाउँछ। निरीक्षण प्रक्रिया, तपाईंका अधिकारहरू बुझ्न र यी परिस्थितिहरूलाई प्रभावकारी रूपमा सामना गर्नका लागि जानकार रहनु महत्त्वपूर्ण छ।
यो केवल सामान्य जानकारी र सूचना प्रदान गर्नका लागि मात्र हो । यसलाई कानूनी सल्लाहको रूपमा लिइनु हुँदैन। यदि तपाईंलाई कानूनी सहायता आवश्यक परेमा वकिलसँग सल्लाह गर्नुपर्छ ।