एयरपोर्टमा पञ्चेबाजा
प्रकाशित मिति : पुस २४, २०७४ सोमबार
लामो प्रतिक्षापछि दाङको तुलसीपुरस्थित टरिगाउँ विमानस्थलमा आइतबारदेखि हवाइ सेवा सुरु भएको छ ।
यस क्षेत्रका जनप्रतिनिधि र तुलसीपुर उपमहानगरपालिकाको सामुहिक प्रयासपछि समिट एयरलाइन्सको विमानले आइतबारबाट सेवा सुरु गरेको छ ।
पहिलो उडानबाट प्रतिनिधिसभा सदस्यहरु कृष्णबहादुर महरा, हिराचन्द्र केसी, प्रदेशसभा सदस्य प्रकाश ज्वाला, तुलसीपुर उपमहानगरपालिका प्रमुख घनश्याम पाण्डेलगायतका जनप्रतिनिधिहरु काठमाडौंबाट तुलसीपुर आएका थिए ।
विमान अवतरण गर्दा पञ्चेबाजाको धुनले स्वागत गरिएको थियो भने स्थानीयहरु हर्षले नाचेका थिए ।
विमानसेवा सुरु भएको खुसीयालीमा ठूलो संख्यामा एयरपोर्ट पुगेका स्थानीयबासीले पहिलो उडानबाट आएका जनप्रतिनिधिहरुलाई फूलमालाले स्वागत गरेका थिए ।
थप समाचारको लागी यहाँ क्लिक गर्नु होला