सिन्धुपाल्चोकमा ट्रक दुर्घटनामा परी ३ जनाको मृत्यु
प्रकाशित मिति : फाल्गुन ४, २०७४ शुक्रबार
सिन्धुपाल्चोकमा ट्रक दुर्घटना हुँदा ३ जनाको मृत्यु भएको छ । अरनिको राजमार्गको बाह्रबिसे तातोपानी सडक खण्ड अन्तरगत बोडरल्याण्ड रिसोर्ट नजिकै शुक्रबार बिहान बा ४ ख २८१२ नम्बरको आइचर गाडी सडकबाट भोटेकोशीमा खसी दुर्घटना भएको हो।
दुर्घटनामा परी मृत्यु हुनेमा बाह्रबिसे नगरपालिका-८ मानेश्वराका ट्रक चालक ३५ वर्षीय शेखर अधिकारी, ट्रकमा सवार ४० वर्षीय सुब्बा अधिकारी र २० वर्षीय कमल अधिकारी रहेको जिल्ला प्रहरी कार्यलय सिन्धुपाल्चोकका एसपी मोहन पोखरेलले जानकारी दिएका छन् ।
घटना बारे अनुसन्धान भइरहेको प्रहरीले जनाएको छ ।