खाँदबारी नगरपालिका ३ का वडाध्यक्षको हृदयाघातका कारण निधन
प्रकाशित मिति : फाल्गुन १५, २०७४ मंगलबार
फागुन, १५ संखुवासभा । जिल्लाको खाँदबारी नगरपालिका– ३ का वडाध्यक्ष तोयानाथ ढुङ्गानाको हृदयाघातका कारण निधन भएको छ ।
ढुंगानाको गत आइतबार ६५ वर्षको उमेरमा निधन भएको पारिवारिक स्रोतले जानकारी दिएको छ ।
फागुन १३ गते बिहान ढुंगाना एक्कासि ढलेपछि उनलाई जिल्ला अस्पात खाँदबारी ल्याइएको थियो । तर चिकित्सकले उनलाई बचाउन सकेनन् । अस्पताल पुर्याएलगत्तै उनलाई चिकित्सकले मृत घोषणा गरेका थिए ।
ढुंगाना केही समयदेखि मुटु र रक्तचापका बिरामी थिए । ढुंगानाको मृत्युसँगै खाँदबारी नगरपालिकाको ३ नं। वडा शोकमा डुबेको छ ।
शिक्षण पेशाबाट सेवानिवृत्त ढुङ्गाना ०७४ असार १४ गते सम्पन्न स्थानीय तहको निर्वाचनमा नेकपा एमालेका तर्फबाट खाँदबारी नगरपालिका–३ को वडाध्यक्षमा निर्वाचित भएका थिए ।