उठेर गाउन नमानेको भन्दै गर्भवती गायिकाकोे हत्या
प्रकाशित मिति : चैत्र ३०, २०७४ शुक्रबार
पाकिस्तानकी एक गर्भवती गायिकालाई उभिएर गाउन नमानेको भन्दै सिन्ध प्रान्तको लर्कानामा गीत गाइरहेको अवस्थामा गोली हानी हत्या गरिएको छ ।
समीना सिन्धु भनेर चिनिएकी २४ वर्षीया समीना समुन कंगा गाँउमा एक समारोहमा प्रस्तुती दिइरहेका बेला तारिक नाम गरेको एक मानिस आएर गीत गाँउदा उभिएर गाँउन आग्रह गर्यो ।
शुरुमा उनले अस्विकार गरेको भए पनि अन्ततः उनी उठिन् तर पनि एक रक्सीले मातेको जतोइबाट उनी माथी तीन पटक गोली प्रहार भयो ।
यसै हप्ताको शुरुमा भएको यस घटनाको भिडियो सोसल मिडियामा भाइरल भएको छ । उक्त भिडियोमा पीडित उभिइरहेको र आफ्नो प्रस्तुती दिइरहेको साथै स्रोताहरुले उनी भए तर्फ पैसा फ्याकेको देख्न सकिन्छ ।
उनी उभिए लगत्तै गोली प्रहार गरी उनको हत्या भएको थियो । गोली लागेकी समीनालाई अस्पताल लगिएको थियो तर बाटोमै मृत्यू भइसकेको घोषणा गरियो ।
उनका श्रीमानले आरोपी बिरुद्व उजुरी गर्दै दोहेरो हत्याको (समीना र उनीहरुको नजन्मेको बच्चाका) अभियोग लगाइनु पर्ने माग गरेका छन् । आरोपीको गिरफ्तार भईसकेको छ र घटनाको अनुसन्धान कार्य शुरु गरिएको जनाइएको छ ।