जर्जियामा विमान दुर्घटना, नौ जनाको मृत्यु
प्रकाशित मिति : बैशाख २०, २०७५ बिहीबार
वैशाख २०, एजेन्सी । अमेरिकी राज्य जर्जियामा एउटा कार्गो विमान दुर्घटना हुँदा नौ जनाको मृत्यु भएको छ। सी–१३० विमान जर्जियाको तटीय सहर सवानामा दुर्घटना भएको अधिकारीहरुले बताएका छन्। जर्जियाको पुर्टोरियोमा परीक्षण उडानका बेला दुर्घटना भएको त्यहाँको नेसनल गार्डका अधिकारीहरुले बताएका छन्। पोर्टो रियोका नेशनल गार्डका प्रवक्ता मेजर पाल डाहलेनले मृत्यु भएको पुष्टि गर्दै उक्त विमानमा पाँच चालक दलका सदस्य र चार यात्रु रहेको जानकारी दिए। अमेरिकी राष्ट्रपति डोनाल्ड ट्रम्पले पनि यो दुखद घटना भएको भन्दै मृतक र उनका परिवारप्रति सहानुभूति प्रकट गरेका छन्। उनले छानबिनका लागि निर्देशन दिएको अन्तर्राष्ट्रिय समाचार संस्था बीबीसीले उल्लेख गरेको छ।