अवैध लागूऔषध सहित चन्द्रगिरी र काठमाडौँबाट पाँच पक्राउ
प्रकाशित मिति : बैशाख ३१, २०७५ सोमबार
चन्द्रगिरी नगरपालिका १४ बालकुमारीस्थित बालकुमारी मन्दिर नजिकैबाट लागुऔषध सहित एक पक्राउ परेको छ । शनिबार पर्सा दुर्गा गाउँपालिका-९ बस्ने ३० वर्षीय अनिलकुमार गुप्तालाई लागूऔषध नुर्फिन ५८ एम्पुल, डाइजेपाम ५९ एम्पुल, फेनारगन ६३ एम्पुल सहित प्रहरीले पक्राउ गरेको हो ।
यसै गरी काठमाडौँ महानगरपालिका-२७ ज्याठामा विक्री वितरणको लागि झोलामा बोकी हिँडिरहेको अवस्थामा करिब १ केजी चरेश जस्तो देखिने कालो पदार्थ सहित एक पक्राउ परेको छ ।
काठमाडौँ सानोभर्याङ बस्ने कालीकोटका २५ वर्षीय पटकबहादुर बम लगायत ४ जनालाई शनिबार प्रहरीले पक्राउ गरेको छ ।