धादिङको दुई छुट्टाछुट्टै स्थानमा भएको सवारी दुर्घटनामा दुईको मृत्यु
प्रकाशित मिति : जेष्ठ ३, २०७५ बिहीबार
धादिङ जिल्लाकोे दुई छुट्टा–छुट्टै स्थानमा भएको सवारी दुर्घटनामा परि दुई जनाको मृत्यु भएको छ भने पाँच जना घाईते भएका छन ।
बुधवार राति (कालुपाण्डे मार्ग) मलेखु धादिङ सडक खण्डमा पर्ने च्याँडु खोलामा भएको ट्रक दुर्घटनामा एक जनाको मृत्य भएको छ भने चार जना घाईते भएका छन । त्यस्तै थांक्रे गाउँपालिकामा पर्ने पृथ्वी राजमार्गको दश किलोमा मोटर साईकल दुर्घटनामा परि अर्को एक जनाको मृत्यु भएको छ ।
मलेखुबाट गिट्टी लिएर सदरमुकाम धादिङबेसी तर्फ जाँदै गरेको ना ३ ख ६१४३ नम्वरको ट्रक नीलकण्ठ नगरपालिकाको वडा नम्बर ८ मा पर्ने च्याँडु भन्ने स्थानमा दुर्घटना हुदा ट्रक धनी धादिङ त्रिपुरासुन्दरी गाँउपालिका घर भई धादिङबेसी बस्दै बस्दै आएका २६ बर्षीय गोकुल उपाध्यायको उपचारका क्रममा मृत्यु भएको जिल्ला प्रहरी कार्यालय धादिङले जनाएको छ । सो दुर्घटनामा अन्य चार जना घाईते भएका छन् ।
यसैगरी धादिङकै थाक्रे गाउँपालिकामा पर्ने पृथ्वीराजमार्गको दशकिलामा मंगलबारे बस र मोटर साईकल ठोक्किएर भएको दुर्घटनामा परि मोटरसाईकलमा सवार ललितपुर कुपण्डोलका २३ वर्षीय अक्षय तण्डुकारको मृत्यु भएको छ भने मोटरसाईकलमा सवार सोही ठाँउका २२ वर्षीय निकेस तण्डुकारका घाईते भएका छन् ।