पाल्पामा बस दुर्घटना – १२ को मृत्यु ,१५ घाईते
प्रकाशित मिति : जेष्ठ १८, २०७५ शुक्रबार
पाल्पाको तानसेनबाट रामपुर जांदै गरेको यात्रुवाहक बस दुर्घटनामा परि १२ यात्रुको मृत्यु भएको छ । दुर्घटनामा घाइते भएका १५ जनाको उद्दार गरिएको छ।
लु २ ख ९७५ नम्बरको बस पाल्पाको हुमिन धारापीमा दुर्घटना भएको हो । मृतकको संख्या अझै बढ्न सक्ने ट्राफिक प्रहरी कार्यालयका सूचना अधिकारी प्रविण आचार्यले जानकारी दिनुभएको छ । लक्ष्मी बचत तथा ऋण सहकारी संस्थाका सदस्य सवार बस दुर्घटना भएको प्रहरीले जनाएको छ ।
घाइतेहरुको लुम्बिनी मेडिकल कलेज र मिशन अस्पताल पाल्पामा उपचार भइरहेको बताइएको छ । दुर्घटनाको कारण खुल्न बाँकी रहेको बताइएको छ । अप्ठेरो बाटो र पानी परेका कारण उद्दारमा समस्या भएको प्रहरीलाई जनाएको छ ।