अष्ट्रेलिया नेपाली विद्यार्थीहरुको लागि यसकारण उपयुक्त देश
प्रकाशित मिति : जेष्ठ २१, २०७५ सोमबार
विद्यार्थीहरुले पढाईको लागि विभिन्न देशलाई आफ्नो गन्तव्य बनाईरहेका छन् । यसको प्रभाव अष्ट्रेलियामा पनि परेको छ जसले गर्दा अष्ट्रेलियामा वर्षेनी विदेशी विद्यार्थीहरुको संख्या बढिरहेको छ । विद्यार्थीहरुको लागि अष्ट्रेलिया किन उपयुक्त छ त ?
– अष्ट्रेलियामा विश्वका उत्कृष्ट युनिभर्सिटी मध्येमा आउने युनिभर्सिटीहरु छन् । यहाँको डिग्री विश्व मान्यता प्राप्त डिग्री हो ।
– अमेरिका र यु.के को तुलनामा यहाँको जीवनशैली सहज र सस्तो छ ।
– अष्ट्रेलियामा कोर्सहरुमा विविधता छ । विद्यार्थीहरुले आफ्नो रुचि, अनुकुलता र लक्ष्य अनुसार विषय छनोट गर्न पाउँछन् ।
– अष्ट्रेलिया प्रविधिको विकास भएको देश हो । त्यसैले यहाँ विद्यार्थीहरु नयाँ प्रविधिसंग जानकार हुन पाउँछन् ।
– यहाँ विद्यार्थीले हप्ताको २० घण्टा काम गर्न पाउने र स्नातकोत्तर तहमा पुगेपछि विद्यार्थीको जीवनसाथीले फुल टाइम काम गर्न पाउने हुँदा आर्थिक रुपमा सहज छ ।
– विद्यार्थी भिसाबाट आउने विद्यार्थीहरुले आवश्यक मापदण्ड पूरा गरेपछि यहाँको पी.आर पाउन सक्छन् ।