३१ लाख भारतीय रुपैया सहित २ जना पक्राउ
प्रकाशित मिति : जेष्ठ २७, २०७५ आईतबार
पर्सा प्रहरीले वीरगञ्जबाट दुई हजार रुपैया नोटका अबैध भारतीय रुपैयासहित दुई जनालाई पक्राउ गरेको छ।
विशेष सूचनाका आधारमा आइतबार वीरगंज महानगरपालिका ११ स्थित रानीघाटमा चेकजाँच गर्ने क्रममा ना.३१ प. ५६०६ नंम्बरको मोटरसाईकलबाट बारा, जितपुर–सिमरा उपमहानगरपालिका ८, लोसाङ, बस्ने बर्ष २१ को अजित कुमार झाको साथबाट २ हजार दरका नोट ५०० थान रु. दश लाख बरामद गरेको छ।
यस्तै, बाराकै जितपुर–सिमरा उपमहानगरपालिका ७, जितपुर बस्ने निरज कुमार सिंहको साथबाट भारतीय रुपैया २ हजार दरका नोट १०५४ थान रु. २१लाख ८ हजार एकतिस लाख आठ हजार रुपैया फेला पारेको छ।
प्रहरीले बरामद भारतीय रुपैया, मानिस र मोटरसाइकलसहित आवश्यक अनुसन्धान तथा कार्वाहीको लागि राजश्व अनुसन्धान विभागमा पठाएको जनाएको छ।
यसअघि पनि पर्सा प्रहरीले जेठ ५ गते पनि प्रहरीले भारतीय रुपैया १२ लाख सात हजार पाँच सय र जेठ २ गते रु ३१ लाख ८० हजार रुपैया बरामद गरेको थियो।