आज न्युयोर्कमा ‘कान्छी’का दुई शो, श्वेता खड्कासँगै हेर्न पाइने
प्रकाशित मिति : श्रावण २०, २०७५ आईतबार
श्वेता खड्काको निर्माण तथा अभिनय रहेको सुपरहिट चलचित्र ‘कान्छी’ न्युयोर्कमा पनि देखाइने भएको छ । श्रीकृष्ण श्रेष्ठको निधनपछि विक्षिप्त बनेकी श्वेता आफ्नै चलचित्र कान्छी बाट चलचित्र क्षेत्रमा फर्केकी हुन् ।
आज (अगस्त ५ आइतबार) न्युयोर्कको उडसाइडमा रहेको गुल्सन टेरेसमा चलचित्र प्रदर्शन गरिने विजय नकर्मीले जानकारी दिए । विहान ११ बजे र दिउसो २ बजे चलचित्रको प्रदर्शन गरिने छ भने टिकट शुल्क १५ डलर राखिएको छ ।
आकाश अधिकारी निर्दे्शित चलचित्रमा दयाहाङ राई, स्वेता खड्का, अनु शाह, कामेश्वर चौरसिया, बिनोद न्यौपाने, भूमिका श्रेष्ठ, आशान्त शर्मा, प्रज्वल सुजल गिरी लगायतको फिल्ममा मुख्य भुमिका रहेको छ । चलचित्रमा संगीत अर्जुन पोखरेलको, कोरियोग्राफी बसन्त श्रेष्ठको र एक्शन हिमाल केसीको रहेको छ भने चलचित्रलाई पुरुषोत्तम प्रधानले क्यामेरामा कैद गरेका हुन् ।
चलचित्रमा मुस्ताङका पर्यटकिय दृश्यहरु समेत हेर्न पाइने भएको छ । चलचित्रको न्युयोर्क प्रदर्शन भने एकीकृत माझी बस्ती सिन्धुपाल्चोकको सहयोगार्थ गर्न लागिएको हो । थप जानकारी वा टिकटका लागि विजय नकर्मीलाई ६४६ ८३३ ६४५६ मा सम्पर्क गर्न सकिनेछ ।