अष्ट्रेलियाको यस राज्यले अकुपेशन लिस्टबाट हटायो अकाउनटेन्ट पेशा
प्रकाशित मिति : आश्विन ८, २०७५ सोमबार
अष्ट्रेलियाको एक राज्यले आफ्नो दक्ष पेशाको सुचीबाट अकाउनटेन्ट पेशा हटाएको छ । साता सेप्टेम्बर १७ देखि लागु हुनेगरि क्विन्सल्याण्ड राज्यले आफ्नो दक्ष पेशाको सुचीबाट अकाउनटेन्ट पेशा हटाएको हो ।
बिजनेस एण्ड स्किल्ड माइग्रेसन क्विन्सल्याण्डले वेबसाइटमा सार्वजनिक सुचना प्रकाशित गरि क्विन्सल्याण्डको सबै अकुपेशन लिस्टबाट अकाउनटेन्ट जनरल २२११११ हटाइएको जानकारी दिएको छ । उक्त सुचनामा क्विन्सल्याण्ड राज्यबाट माग भएको अकाउनटेन्टको कोटा पुरा भइसकेकोले अकुपेशन लिस्टबाट हटाइएको उल्लेख गरिएको छ ।
अधिकारीहरुका अनुसार, यदि अकाउनटेन्ट पेशामा इन्भिटेसन पाएका व्यक्तिले तोकिएको मिती सम्ममा प्रक्रिया पुरा नगरेमा नयाँ व्यक्तिले आवेदन दिन पाउनेछन् ।